香港文明?

今早係收音機聽到一段說話, 真係有D....會心微笑, 但同時又感到羞愧, 又可惜...

個電話DJ 話自從特首宣佈便服上班, 商界反而多左查詢, 因為D 職員著返自己既衫, 女同事就成日小背心, 又著D 幾千元既露趾涼鞋, 男同事恤衫入面既背心底心係紅色 (嘩! SEXY, HAHAH), 又有股票經紀因為著左便服, 心情輕鬆左, 係股票買賣時出錯 (咁都得!!!)  , 咁呢, 就提意D 顧員要著返D 適合自己身份既服裝。

個DJ就講, 中學做咩要著校服, 可能係唔想學生鬥名牌, 為什麼外國既學生, 又可以唔著校服呢, 但係人地又無事喎!!

個DJ 就話, 係香港, 人人都已經習慣左有 rules 既生活, 我地既生活係只係有rules 及反叛兩種, 當沒有了rules, 香港人就會反叛。如果係適當場合穿適當既衫, 係須要好長時間既學習, 而當懂得著衫, 就是進步至有文明。

個DJ 大意係咁講, 我聽完, 就係好有感受, 無錯, 係香港, 樣樣都係RULES, 無輪係傳統既中國思想, 學校, 辦公室, 以至由社會既約定俗成, 所有所有都係RULES, 只要超越左呢D RULES, 就會比人學得反叛, 不能被大部份人接受, 所以, 係香港, 係無創意, 因為被RULES 扼殺左, 個個都只係依循其他人既期望生活及做人。

另外, 文化, 香港作為一個國際城市, 科技資訊都不落後, 但在香港, 有文化的人卻小得讓人差愧, 只要回想起平常生活所遇到的人和事, 便會發現, 香港既科技發展與人民文化成長, 並不是一同進步。近年, 經濟不穩定, 普遍收入低, 生活質素降低, 好多人又北上消費, 又每日有由北方南下的新移民, 有此更帶同子女, 使香港既文明不進反退。

低收入市民對只顧兩餐溫飽, 又貧富懸殊, 低收入市民數目增加, 根本無心神理會文化修養, 又北上消費, 習染左大陸人的習慣 (要知道, 佢地既教育水平都比香港低, 文明程度未必會高於香港), 再加上新移民部份是未受過教育, 根本不知文明為何物, 佢地既生活, 只係滿足左最基本既須要, 佢地既下一代, 又會明白什麼是文明嗎? 要知道, 文明, 是須要時間去學習及成長, 香港既將來, 會交由數目多的新移民的下一代的手上,  (因為香港本地既出生率好低), 我們可以想像香港既將來會是如何。可能有人會話唔好睇死新移民, 佢地當中都有叻人, 無錯, 我同意, 佢地既決心比香港既年青一代仲大, 但係, 咁多既新移民, 又有多少人係有咁突出既表現呢? 你我心中有數。